កម្លាំងប៉ុស្តិ៍នគរបាលរដ្ឋបាលស្រះចក ពីបទលួចឆ្អឹងកៅអីដែកនិងថតតុដែក
24-April-2018 | ដោយ ពលមនសិការ
ភ្នំពេញ ៖ កម្លាំងប៉ុស្តិ៍នគរបាលរដ្ឋបាលស្រះចកនៃអធិការដ្ឋាននគរបាលខណ្ឌដូនពេញបានឃាត់ខ្លួនជនសង្ស័យម្នាក់ (ក្នុងចំណោមបក្ខពួក០២នាក់) ពីបទលួច(ឆ្អឹងកៅអីដែកនិងថតតុដែក)កាលពីថ្ងៃទី១៨ ខែមេសា ឆ្នាំ២០១៨ វេលាម៉ោង១៩ម៉ោង៥៥នាទី នៅចំណុចក្នុងបរិវេណសណ្ឋាគារហូលីដេ ផ្លូវលេខ៨០ ភូមិទី៨ សង្កាត់ស្រះចក ខណ្ឌដូនពេញ រាជធានីភ្នំពេញ។
ប្រតិបត្តិការចាប់ខ្លួនជនសង្ស័យខាងលើបានធ្វើឡើងនៅថ្ងៃច័ន្ទ ៩កើត ខែពិសាខ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៣ ខែមេសា ឆ្នាំ២០១៨ វេលាម៉ោង១០ម៉ោង១០នាទី។
លោកវរសេនីយ៍ឯក ហួតចាន់យ៉ារ៉ាន់ អធិការខណ្ឌដូនពេញបានឱ្យដឹងថាជនសង្ស័យត្រូវឃាត់ខ្លួនឈ្មោះ ហេង សុគន្ធ ភេទប្រុស អាយុ២៦ឆ្នាំ ជនជាតិខ្មែរ មុខរបរមិនប្រាកដមានទីលំនៅផ្ទះជួលផ្លូវលំភូមិដើមចាន់ សង្កាត់ច្បារអំពៅទី១ខណ្ឌច្បារអំពៅ។ ចំណែកជនរងគ្រោះឈ្មោះ ឃឹម នាគមន្នី ភេទប្រុស អាយុ៣៦ឆ្នាំ ជនជាតិខ្មែរមុខរបរបុគ្គលិករដ្ឋបាលសណ្ឋាគារហូលីដេ មានទីលំនៅផ្ទះលេខ៤៦B ផ្លូវលេខ២២៨ សង្កាត់បឹងសាឡាង ខណ្ឌទួលគោក រាជធានីភ្នំពេញ។
សម្ភារៈបាត់បង់គ្មាន(ឆ្អឹងកៅអីដែកចំនួន០៣និងថតតុដែកចំនួន០២ត្រូវបានសន្តិសុខសណ្ឋាគារយករក្សាទុកវិញ)។
វត្ថុតាងចាប់យកបាន ម៉ូតូមួយគ្រឿងម៉ាកSUZUKI AXELO 125 ពណ៌ខៀវពាក់ស្លាកលេខ ភ្នំពេញ 1-BK 2412 (ជារបស់ជនសង្ស័យជិះធ្វើសកម្មភាព)។ ជនសង្ស័យធ្លាប់ប្រើប្រាស់គ្រឿងញៀន ហើយបច្ចុប្បន្នកំពុងឃាត់ខ្លួននៅអធិការដ្ឋាននគរបាលខណ្ឌដូនពេញដើម្បីកសាងសំណុំរឿងតាមនិតិវិធី៕
ចំនួនអ្នកទស្សនា
- ថ្ងៃនេះ1271
- ម្សិលមិញ10851
- សប្តាហ៍នេះ67791
- ខែនេះ182941
- ឆ្នាំនេះ182941
- សរុប20625397